XX. mendeko Euskararen Corpus estatistikoa

Testuingurua

Deadar beldurgarria egin zuen zuzendariak, Joe`ren eskuan izkillua ikustean eta diru-kutxako arduradun berria inguratu zitzaien, deadar ura entzutean.

- Aurrera - esan zion Donald` ek -.

Ona, zure aurrekoaren erailtzailea.

Arriturik begiratu zion arduradunak zuzendariari.

- Ba-nuen usmorik, bai, irabazten zuen baiño askozaz geiago xautzen zuela ikusirik.

- Ez, ez...!! Nere dirua xautzen dut, ez besterenik...!!.

- Alperrik ari zera - esan zion Joe`k.

Besterik gabe irten ziren diruetxetik eta zugaitz batetik zintzilikatu zuzendaria.

- Ertzaindaritzan jarraitzeko asmoa al duzu, Donald?.

- Ez, Joe. Izar au bularrean dutalarik ez nuke nai erailketarik egin.

Sandy izendatuko dugu ertzain.

- Naiko ote du, gero? Joe bera joan zan Sandy`gana, ertzain izendatu nai zutela adieraztera.

- Ez, Joe, Iñolaz ere ez nauk Hondo`ko sheriff izango.

Eztabaida luze baten ondoren, baiezkoa eman zuen Sandy`k.

- Bi asteren barruan etorriko zaik aita i ikustera, Sandy.

I besarkatzea duk bere ametsik larriena.

- Bai, nerea ere, Joe.

-- Sandy Webb izena gezurrezkoa dutala noiz jakin uan?.

- Zer ajola, Sandy? Ire izakera zuzena zalantzan ipintzea duk ire aitaren biotz-miña, Sandy. Ire barkapena nai likek.

Annie`ren edaritegian zegoen Donald, Joe`ri itxoiten.

- Sheriff berririk izango ote dugu, Donald? Naiko ote du, gero, Sandy`k?.

- Baietz, dio Joe`k.

- Emen bear genuken gizona, orixe da, Donald.

Nortasunik eta gizatasunik aski ba-du, erdi-zoroaren itxurak egin ba`ditu ere.

- Izkillua eskuan duenean da ori beldurgarria, Annie.

- Ara, or, biak - esan zuen Annie`k, ateruntz begira.

- Ire izar ori ipin ezakek Sandy`ren bularrean, Donald - esan zuen Joe`k.

Besarkada estuan bildu ziren Donald eta Joe.

- Eskerrikasko, Sandy!!.

- Ik ez; nik zor dizkitzuet eskerrak biori.

- Erriko agintarieri egingo diegu dei, euren aurrean zin egiñaz, izar onen jabe egin dedin, damutu baiño leenago.

- Oker ttiki bat zuzen bearrean izango zera, alkate jauna - esan zion Sandy`k alkateari, deiari jarraiki agintariak arakatu zirenean.

- Oker bat zuzendu?.